Mga kajuander, kung naanad mo nga ang Diet Coke kay pang-refreshment lang, naa diay kini’y laing trabaho—pero ayaw sa pagsugod og inom og litro-litro ha!
Usa ka 63 anyos nga babaye sa Massachusetts, Amerika, ang nakasinati og kasakit ug pagkadili komportable sa tiyan sulod sa kapin usa ka bulan. Sa pagsusi sa mga doktor, nakit-an nga adunay dakong bolus sa wala matunaw nga pagkaon, o gitawag og gastric bezoar, nga natapok sulod sa iyang tiyan.
Imbis operasyon dayon, gisulayan sa mga doktor ang usa ka medyo makalingaw paminawon nga pamaagi—cola!. Tungod kay diabetic ang pasyente, Diet Coke ang gihatag. Nakainom siya og mga 1.5 litros kada adlaw.
Ug murag nakig-cooperate ang tiyan! Sa ikaduhang adlaw, mibati siya og daw adunay nagbira sa iyang tiyan, ug pagkahuman, nawala ang iyang kasukaon ug kasakit.
Sa follow-up endoscopy, natunaw na ang bara!. Pero mga higala, ayaw ni himoa og rason nga kung magsakit inyong tiyan, diretso dayon sa tindahan ug palit og 1.5 litros nga Coke! Ang maong kaso espesyal ug gihimo ubos sa pag-atiman sa doktor.
Kay basin imbes ang tiyan ang ma-dissolve, ang inyong budget hinuon ang ma-dissolve!
Photo courtesy: Simple Recipes
