Miani og duha ka dungganong pag-ila ang Malaybalay City Civil Registrar’s Office (CCRO) atol sa gipahigayong 5th National Civil Registration and Vital Statistics (CRVS) Convention nga gipasiugdahan sa Philippine Statistics Authority (PSA). Gituboy ang siyudad nga 6th Place sa 2025 Outstanding Local Civil Registry Office (LCRO) sa Extra Large Category, lakip na ang pagka-Regional Winner isip 2026 Most Innovative LCRO.
Kining maong mga ganti nagpamatuod sa padayong pagpaningkamot ug dedikasyon sa Kagamhanang Lokal sa Malaybalay sa paghatag og ekselente, modernisado, ug digital nga serbisyo sa pagrehistro sa mga sibil nga dokumento. Nagpakita usab kini sa kaepektibo ug kadasig sa tibuok koponan sa CCRO aron masiguro ang paspas ug kalidad nga pagserbisyo sa mga lumulupyo sa siyudad.
Subay niini, nagpaabot og daghang pahalipay ang pamunoan sa lungsod sa tibuok tulunghaan ug myembro sa CCRO sa ilang dakong kontribusyon nga nagbayaw sa ngalan sa Malaybalay sa tibuok nasod.
Photo courtesy: Mayor Jay Pabillaran
