Arestado ang usa ka lalaki nga nag-negosyo sa drogang shabu sa hiniusang pwersa sa kapulisan sa pagpanguna sa Iligan City Police Station 3 o ICPS 3 ubos sa pagpangulo ni PLT Ronald S. Tonzo, Deputy Station Commander, ug sa pagdumala ni PMAJ Michaelangelo C. Roldan, Station Commander, kauban ang mga personahe sa Iligan City Mobile Force Company o ICMFC ubos ni PLTCOL Mark Kenneth S. Salvacion, Force Commander, ug sa 1005th Regional Mobile Force Battalion ubos ni PCPT Mohd. Bin Khaer O. Mangotara atol sa buy-bust operation sa may alas-7:40 sa gabii niadtong nakalabay nga adlaw, sa Sitio Paitan, Barangay Dalipuga, Iligan City.
Subay sa report, nakapalit ang poseur-buyer sa suspek og usa (1) ka pakete sa gituohang shabu ug nasakmit sa nahimutangan sa suspek ang laing duha ka pakete. Nasakmit usab ang usa ka foil sa sigarilyo ug tulo (3) ka ₱100 nga marked money nga gigamit sa buy-bust operation, lakip ang laing pakete sa gituohang shabu nga nalambigit sa transaksiyon.
Posibleng atubangon sa suspek ang kasong paglapas sa Section 5 ug Section 11, Article II sa Republic Act No. 9165 o Comprehensive Dangerous Drugs Act of 2002.
Sa pagkakaron, anaa na kini sa custodial facility sa ICPS3 alang sa tukmang dokumentasyon.
Photo Courtesy: ICPS3
