Nasakpan sa mga maritime police sa Kiribati ang usa ka Chinese vessel tungod sa ilegal nga pag-ani og shark fins sa kadagatan sa Pacific. Sumala sa mga awtoridad, gipugngan ang maong barko ning Agosto human masuta nga adunay kalambigitan sa gidili nga pagkuha sa mga palikpik sa iho.
Ang insidente nahitabo sa Kiribati, usa ka gamay nga nasod sa Pacific nga nakapalig-on sa relasyon niini sa China. Padayon ang imbestigasyon sa mga awtoridad aron matino ang mga paglapas nga nahimo sa maong barko ug ang tukmang legal nga aksyon batok niini.
Photo Courtesy:The Straits Times
