Nakab-ot sa Philippine Economic Zone Authority (PEZA) ang 216.46 bilyong pesos nga approved investments hangtod Agosto, katumbas sa kapin 72 porsyento sa 300 bilyong pesos nga target niini alang sa 2026.
Mas doble kini kumpara sa 105.83 bilyong pesos nga investment sa samang panahon niaging tuig, o katumbas sa 104.53 porsyentong pagsaka. Gilangkuban kini sa 196 ka proyekto nga gilauman makagama og kapin 6.6 bilyong dolyar nga exports ug hapit 27 mil ka direct jobs sa tibuok nasod.
Pinakadaghan sa mga proyekto anaa sa manufacturing, gisundan sa ecozone development ug IT-BPM. Sumala sa PEZA, 34 niini mga dagkong proyekto nga mokabat sa 193.7 bilyong pesos ang kantidad.
Photo Courtesy: PNA
