Manguna si Ruben Gonzales sa Philippine national team nga mokompetensya sa Pickleball World Cup sa Danang, Vietnam, sugod Agosto 30 hangtod Setyembre 6. Kauban niya sa 70 ka-nasod nga kompetisyon sila Nik Isagan, Kelsey Laurente ug Fatima Amirul.
Matud ni Gonzales, dakong dungog alang kaniya ang pagrepresentar sa Pilipinas sa pickleball, human sa iyang dugay nang pagserbisyo isip miyembro sa national tennis team. Gilangkuban sa 38 ka Pinoy players ang Philippine delegation nga makigkompetensya sa Open, Under-18, Under-14, Kids ug Seniors divisions.
Gilauman sa Philippine Pickleball Federation ang maayong resulta ug pagkuha og podium finish, bisan pa sa lig-on nga kompetisyon gikan sa Estados Unidos ug host country Vietnam.
Photo Courtesy: Wikipedia
