Gipahigayon sa Digos City Health Office ang Buntis Congress 2026 sa Digos City Gymnasium, nga gitambongan sa mga mabdos gikan sa nagkalain-laing barangay sa siyudad.
Matud Mary Elaine O. Dimacuta, RN, MPA, Nurse II sa Digos City Health Office ginapatigayon ang maong programa sa 26 ka barangay sa Digos City, diin target karong tuiga nga mahatagan og serbisyo ang 100 ka mga buntis, lakip ang libreng konsultasyon ug uban pang serbisyong panglawas.
Usa usab sa ilang gihatagan og pagtagad mao ang pagsaka sa kaso sa teenage pregnancy, hinungdan nga giawhag ang mga batan-ong mabdos nga dili maulaw o mahadlok sa pagduol sa health center.
Pinaagi sa Buntis Congress, gitinguha sa City Health Office nga mas mapalig-on ang pag-atiman sa panglawas sa mga mabdos ug masiguro nga makadawat sila sa hustong serbisyo ug giya atol sa pagmabdos.
