Nanawagan og hustisya ang mga ginikanan sa usa ka 6-anyos nga batang lalaki nga namatay human giingong gisagpa sa iyang magtutudlo samtang naa sa klase niadtong Biyernes, Agosto 21, 2026. Base sa mga report, nasuko matud pa ang magtutudlo human nakita nga kulang ang assignment sa bata. Giduol siya sa magtutudlo, gigunitan sa kwelyo sa uniporme ug gisagpa.
Samtang nagtindog atubangan sa magtutudlo, kalit nawadan og panimuot ang bata ug natumba. Gidala dayon siya sa ospital apan sa ulahi gideklarar nga patay. Matud sa amahan, himsog ug aktibo ang iyang anak sa wala pa mosulod sa eskwelahan ug wala kini’y gibating sakit.
Nagtuo ang pamilya nga adunay kalabotan sa pagkamatay sa bata ang insidente sa pagsagpa, apan wala pa gipagawas sa mga awtoridad ang eksaktong hinungdan sa iyang pagkamatay. Padayon ang imbestigasyon, lakip ang mga panghitabo sa wala pa ug human siya nawad-an og panimuot.
Gihatagan usab og pagtagad ang isyu sa physical abuse sa mga eskwelahan sa India, ilabi na sa mga batang gikan sa kabus nga pamilya nga mas bulnerable sa klase sa pag-abuso.
Photo courtesy: NDTV
