Nagtinabangay ang BIR ug Supreme Court aron i-integrate ang ilang digital systems ug makahimo og hingpit nga paperless notarization ug tax compliance sa mga negosyo ug indibidwal. Tumong niini nga masumpay ang BIR’s Electronic Documentary Stamp Tax (eDST) ug Supreme Court’s Electronic Notarization (eNotarization) aron mahimong electronic na ang pagbayad ug pag-affix sa Documentary Stamp Tax.
Pinaagi niini, dili na kinahanglan i-print pag-usab sa papel ang mga dokumentong nahimo, napirmahan ug na-notarize na online. Gilauman nga ang integrated system makapadali sa mga transaksyon, makapamenos sa red tape ug gasto, ug makapalig-on sa seguridad batok sa pagpanglimbong.
Matud sa BIR, kabahin kini sa modernization program nga BIR DARES, nga nagtutok sa digital transformation ug mas episyenteng serbisyo. Tumong usab niini nga mahimong mas luwas, paspas ug sayon ang pagnegosyo sa Pilipinas.
Photo courtesy: Philippine News Agency
