Balik-court na ug andam na usab magsanib-pwersa alang sa Gilas Pilipinas sila Kai Sotto ug AJ Edu human sa pipila ka bulan nga pagpahuway ug pagpaayo gikan sa ilang tagsa-tagsa ka injury.
Kahinumdoman nga nakaangkon si Kai Sotto og ACL injury niaging tuig, nga hinungdan nga wala siya makadula sa FIBA Asia Cup ug sa unang tulo ka windows sa FIBA World Cup Asian Qualifiers. Gilauman nga mas molig-on ang Gilas sa Window 4 sa FIBA World Cup Asian Qualifiers nga mahitabo karong Biyernes, diin kauban na usab ni Sotto ang iyang frontcourt buddy nga si AJ Edu.
Kataposang nagdungan sa court ang 7-foot-3 nga si Sotto ug 6-foot-10 nga si Edu niadtong 2023 FIBA World Cup, diin ilang gipakita ang lig-on nga chemistry. Makigsangka ang Gilas kontra Jordan sa Agosto 28, samtang Iran ang ilang sunod nga kontra sa Agosto 30.
Photo courtesy: Hoopsfix.com
