Gibutyag sa Bureau of Fire Protection (BFP) Davao nga gibiyaan sa inahan ang usa ka tuig ug walo ka bulan nga bata sulod sa ilang balay atol sa sunog niadtong nakalabay sa Barangay Mintal, Tugbok District, Davao City.
Sumala ni Fire Senior Inspector Frances Marie Sendrijas sa BFP Davao, naa sa sulod sa balay ang bata sa dihang nahitabo ang sunog, nga miresulta sa kamatayon niini.
Duha ka balay ang naugdaw ug duha ka pamilya ang naapektuhan sa insidente. Padayon pang giimbestigahan sa mga otoridad ang hinungdan sa sunog, nga gibanabanang mikabat sa 25 mil pesos ang danyos.
Photo courtesy: DCPO
