Gipasidunggan ang gatusan ka mga magtutudlo atol sa Teacher’s Night nga gipahigayon sa lokal nga pangagamhanan sa Montevista, Davao de Oro, pasado alas 4:00 sa hapon niadtong Oktubre 16, 2026. Tumong sa maong kalihokan ang pag-ila sa dedikasyon sa mga teaching ug non-teaching personnel sa paghatag og edukasyon ug paggiya sa mga kabataan.
Matud sa ni Montevista Mayor Cyrex Basalo, atol sa pag-interview sa Juander Radyo News Team nga nagpasalamat siya sa tanang personnel nga nagserbisyo sa mga eskwelahan, lakip ang mga daycare center ug kolehiyo.
Dugang pa sa mayor, inisyatibo kini sa Department of Education o DepEd nga gisuportahan sa lokal nga pangagamhanan aron mahimo pang padayon nga kalihokan.
Mitambong usab sa maong selebrasyon si Vice Governor Dorothy Gonzaga, Dugang sa pagpasidungog, nag-andam usab og mga raffle prize nga gikan sa lokal ug probinsyal nga panggamhanan ubos sa pagdumala ni Gov. Engr. Raul Mabanglo ug Cong. Maricar Zamora alang sa mga magtutudlo.
