Gidapit ang mga nangitag trabaho, ilabina ang mga lumad nga kaigsoonan, sa pagpahimulos sa job fair nga ipahigayon isip kabahin sa pagsaulog sa 2nd Pyasagan 2026 sa lungsod sa Maco, Davao de Oro, sa Municipal Gymnasium sa Oktubre 27, 2026.
Lakip sa mga kalihokan ang One-Stop-Shop Government Services, medical mission ug job fair diin motambong ang nagkalainlaing kompanya ug ahensiya aron maghatag og serbisyo ug oportunidad sa mga residente.
Gihangyo ang mga aplikante nga andamon daan ang ilang résumé ug uban pang gikinahanglang dokumento aron mas mapahimuslan ang mga bakanteng trabaho ug oportunidad nga itanyag sa mga partisipanteng kompanya.
Ang kalihukan ipahigayon ubos sa temang “Empowering Indigenous Peoples: Strengthening Rights, Culture and Ancestral Domains,” nga nagpasiugda sa pagpalig-on sa katungod, kultura ug yutang kabilin sa mga lumad, lakip ang patas nga oportunidad alang sa tanan.
