Gihulat pa sa Police Regional Office 10 (PRO-10) ang kompletong report gikan sa Cagayan de Oro City Police Office (COCPO) kalabot sa alegasyon nga duha ka police officers ang giingong nangmolestiya sa mga Criminology intern students.
Matod ni Police Major Joan Navarro, spokesperson sa PRO-10, wala gipasagdan sa kapulisan ang alegasyon ug gisiguro nga adunay tukmang imbestigasyon.
Gikumpirma ni Navarro nga gi-disarm na ang duha ka police officers ug gibutang sa holding unit samtang nagpadayon ang imbestigasyon sa insidente aron masuta ang tanang detalye ug mga sirkumstansiya nga nalambigit sa alegasyon.
Gipasiugda usab sa PRO-10 nga kon mapamatud-an nga adunay nakasala, walay pabor-pabor ang organisasyon ug atubangon sa mga nalambigit ang tukmang administrative o criminal proceedings, depende sa resulta sa imbestigasyon.
Photo courtesy: PNP Cagayan de Oro CPO Police Station 7
