Gipangandaman na sa Department of Agriculture Region 10, uban sa mga concerned agencies sa Northern Mindanao, ang posibleng epekto sa padayon nga taas nga kainit sa crop production sa rehiyon.
Matud ni DA-10 Regional Director Apollo Pacamalan, medyo apiki ang kahimtang sa mga crops sa mga kaumahan kung magpadayon ang taas nga temperatura nga nasinati karon sa Northern Mindanao.
Padayon usab nga gimonitor sa DA-10 ang produksyon sa matag kaumahan aron masiguro ug mabalansi ang supply ug sufficiency sa mga agricultural crops sa rehiyon.
Dugang pa ni Pacamalan, posibleng modaghan o moataki ang mga peste sa mga kaumahan tungod sa taas nga kainit, busa gikinahanglan ang sayong pagpangandam, lakip na ang pag-andam sa tukmang pest control measures aron malikayan ang kadaot sa mga pananom.
Photo Courtesy:CCAFS- CGIAR
