Posibleng mag-atubang og reklamo nga subornation of perjury sila si Senador Rodante Marcoleta ug kanhi Cong. Michael Defensor tungod matud pa sa pag-coach sa nahimong testimonya sa kanhi sakop ni ex-Cong. Zaldy Co nga si kanhi Marine nga si Orly Guteza.
Gibawi ni Guteza ang iyang testimonya nga naghatod kaniya sa minaletang kickback sa flood control projects nila ni kanhi Speaker Martin Romualdez, Pres. Ferdinand Bongbong Marcos, ug uban pa nga mga opisyal sa gobyerno.
Matud ni Sen. Ping Lcason nga kung tan-awn ang ebidensiiya ug dagan sa mga panghitabo niadtong pagdungog sa Blue Ribbon Committee, klaro nga gidektahan ni Sen. Marcoleta si Guteza.
Tungod niini, mahimong kasohan og subornation of perjury si Marcoleta ingon man si Defensor.
Lakip matud pa nga posibleng pasakahan og reklamo si Romualdez tungod sa pagkalambigit niini sa naunang pamahayag ni Guteza.
Dugang ni Lacson nga mahimong magbuhat ang Department of Justice (DOJ) ug Office of the Ombudsman og preliminary investigation subay sa posibleng kasong perjury batok sa mga anaa sa likod sa unang testimonya ni Guteza tungod gikonsiderar nga public crime ang perjury.
Photo courtesy:Wikipedia
