Gipahibalo ni Presidente Ferdinand Marcos Jr. nga buhi-on pag-usab sa gobyerno ang Green Revolution isip kabahin sa mga lakang sa pag-atubang sa gipaabot nga grabeng epekto sa Super El Niño sa Pilipinas.
Sa iyang press briefing sa Singapore niadtong Oktubre 11, gipadayag sa Presidente nga tudloan ang publiko sa hustong pagkolekta, pagtigom ug paggamit pag-usab sa tubig, lakip ang paglimpyo ug pagsala niini aron malikayan ang mga sakit.
Gipaabot nga dakong hagit ang Super El Niño ilabina sa sektor sa agrikultura tungod sa pagkunhod sa pag-ulan. Matod sa World Meteorological Organization, posibleng mokusog pa ang El Niño hangtod Disyembre ug magpadayon hangtod Pebrero 2027.
Photo courtesy: PNA
