Gipahibalo sa LG Electronics Philippines ang plano nga pagpalapad sa ilang negosyo pinaagi sa paghatag og bag-ong cooling systems alang sa nagkadaghang data center sa nasud.
Atol sa pagbukas sa LG HVAC Academy ug Business Innovation Center sa Pasig City, gipaila sa kompanya ang ilang modernong cooling technology nga adunay artificial intelligence o AI, aron mas makadaginot sa kuryente ug gasto sa pagmentinar.
Matod ni Vanlee Budod, opisyal sa LG Philippines, dakong oportunidad ang pag-uswag sa mga data center tungod sa nagkadakong panginahanglan sa cloud storage, banking ug social media.
Gipaila usab sa kompanya ang mga bag-ong air conditioner ug uban pang appliances nga magamit pinaagi sa mobile application.
Photo courtesy: Linkedin
