Gidawat ni PMAJ Romie L. Baintin (ACOP) sa Cateel Municipal Police Station ang donasyon nga usa ka set sa kagamitan sa kompyuter gikan sa lokal nga panggamhanan sa Cateel niadtong Oktubre 12, 2026 sa buntag.
Ang maong donasyon dakong tabang sa pagpalambo sa administratibong mga buluhaton, pagdumala sa mga dokumento, ug pagpadagan sa inadlaw-adlaw nga operasyon sa kapulisan.
Samtang mipaabot usab si PMAJ Baintin sa iyang kinasingkasing nga pagpasalamat ngadto kang Municipal Mayor Emilou C. Nuñez tungod sa gihatag nga suporta alang sa Cateel MPS.
Kabahin niini, gipasalig sa Cateel MPS nga ipadayon nila ang kooperasyon ug dedikasyon sa pagserbisyo sa katawhan, uban sa lokal nga panggamhanan, alang sa pagpalig-on sa serbisyo ug pagmintinar sa kalinaw ug kahusay sa tibuok munisipyo.
Photo courtesy: Cateel Municipal Police Station
