Nasikop sa mga kapulisan ang usa ka 22-anyos nga lalaki nga giila sa alyas “Pre” atol sa buy-bust operation sa Police Station 17 Baliok sa kaadlawon sa Oktubre 11, 2026. Ang suspek, residente sa Toril, Davao City, nadakpan ubos sa pagpangulo ni PMAJ Jemuel J. Mamolang, Acting Station Commander.
Narekober gikan sa suspek ang dugang nga mga pakete sa gidudahang ilegal nga droga ug uban pang ebidensiya nga may kalabotan sa operasyon. Gikustodiya na sa Police Station 17 Baliok ang dinakpan ug gipasakaan og kaso tungod sa giingong paglapas sa Republic Act 9165 kun Comprehensive Dangerous Drugs Act of 2002.
Gipasiugda sa kapulisan ang kamahinungdanon sa kooperasyon sa komunidad sa pagpalig-on sa kampanya batok sa ilegal nga droga sa Davao City.
Photo courtesy: DCPO
