Wala na mahitsura pa ang usa ka Bao-bao human kini mibangga sa likorang bahin sa Elf Truck didto sa Sitio Tagbobolo, Barangay Sainz, Mati City, Davao Oriental niadtong Oktubre 12, 2026 sa buntag.
Sumala pa sa mga nakakita sa maong panghitabo, giingong nagtan-aw sa selpon ang drayber sa bao-bao ug wala niini mabantayi nga mi-u turn na ang sakyanan sa iyahang atubangan nga bahin. Tungod niini, nagbangga ang duha nga miresulta sa pagkalumping sa bao-bao nga nasayrang puno ug karga.
Sa pagkakaron padayon pa ang imbestigasyon sa mga otorridad kabahin sa maong insidente. Gipahimangnoan usab ang mga drayber nga likayan ang paggamit ug selpon samtang nagmaneho aron malikayan ang susamang insidente.
