Nadakpan sa Davao City Police Office (DCPO) ang usa ka suspek sa insidente sa pagpanunggab nga miresulta sa kamatayon sa usa ka construction worker sa Matina Crossing, Davao City.
Giila ang suspek sa alyas “Mark,” residente sa Kawayan Drive, Matina Crossing, samtang ang biktima giila sa alyas “Julius,” residente sa Palanca Village sa maong lugar.
Sumala sa usa ka testigo, nakita niini ang suspek nga nagdagan sa usa ka eskinita human sa insidente samtang nagkupot og kutsilyo nga adunay dugo. Miabot ang mga responder sa 911 ug ilang gisusi ang biktima, apan gideklarar kining patay na sa lugar.
Nadakpan ang suspek human sa aksiyon sa kapulisan ug gisang-at na ang tukmang kaso batok kaniya. Padayon ang DCPO sa pagpatuman sa balaod aron mapadayon ang kalinaw ug kaluwasan sa katawhan.
Photo courtesy: DCPO
