Gibutyag ni Rolly Dave De Vera, Punong Barangay sa Barangay Matiao, nga nasulbad na ang problema sa kanal sa Damping area, diin kaniadto nakasinati og pagbabara tungod sa taas nga lebel sa tubig nga miresulta sa pagbaha.
Nagpasalamat usab si De Vera sa lokal nga panggamhanan ug sa mga boluntaryo nga mitabang sa pagresolba sa problema, ilabi na sa pagpagamit sa ilang mga ekipo aron mapadali ang paglimpyo ug pag-ayo sa kanal.
Gihangyo usab ang mga residente sa Damping area nga magtinabangay sa pagmintinar sa kalimpyo sa palibot ug likayan ang paglabay sa basura sa kanal aron malikayan ang pagbara ug mapugngan ang posibleng pagbaha, ilabi na panahon sa kusog nga pag-ulan.
Pinaagi niini, gipakusog sa Brgy. Matiao ang panawagan alang sa kooperasyon sa komunidad aron mapadayon ang kalimpyo ug malikayan ang pagbalik sa susamang problema sa umaabot.
