Nadakpan sa mga personahe sa Police Station 20 – Los Amigos, ang usa ka wanted person atol sa gilusad nga operasyon didto sa Purok 25, People’s Village, Barangay Ma-a, Davao City niadtong milabay nga adlaw.
Ang suspek giila nga si alyas “DAN” hamtong ang pangidaron, kinsa nadakpan tungod sa kaso nga Grave Threats nga gi-isyu sa Municipal Trial Court in Cities (MTCC), Branch 2, Davao City, nga adunay girekomendar nga pyansa nga nagkantidad og ₱36,000.00.
Sumala pa sa kapulisan nga ang maong pagdakop kabahin sa gipakusgan nga mga operasyon sa pagpatuman sa balaod ubos sa Simultaneous Anti-Criminality Law Enforcement Operations (SACLEO).
Samtang gipasalig ni PMAJ ROEL C IBAÑEZ, Acting Station Commander sa Police Station 20 – Los Amigos nga padayon nilang ipatuman ang mga mando sa korte, ilabina sa pagdakop sa mga wanted nga tawo aron nga mamentinar ang kalinaw ug kahapsay sa komunidad.
Photo courtesy: Police Station 20 – Los Amigos
