Wala pa mohatag sa iyang komento si Cebu City Mayor Nestor Archival kabahin sa kasong may kalapasan sa Anti-Graft and Corrupt Practices Act nga gipasaka batok kaniya ngadto sa Ombudsman.
Kini nga kaso gisang-at sa usa ka ginganlan og Ed Karlon Rama, lumulupyo sa barangay Guadalupe ning dakabayan sa Sugbo, nunot sa wala pag-isyu ni Archival og cease and desist order batok sa Monterrazas de Cebu development sa barangay Guadalupe.
Matud ni Kenneth Siasar, chief of staff sa city mayor’s office, sa pagkakaron gipaabot lamang una nga madawat na sa mayor ang official communication gikan sa Ombudsman kalabot sa kaso batok kaniya.
Ang maong reklamante nipasangil usab nga si Archival ug ang asawa niini, nanag-iya usab matud pa og propriyidad sud sa Monterrazas, ug ang maong pagpanig-iya adunay conflict of interest gumikan sa giingong pagsalindot sa mga panawagan alang sa cease and desist order batok sa Monterrazas de Cebu.
Photo courtesy:wikimedia
