Dili na pahugtan sa Bangko Sentral ng Pilipinas (BSP)ang monetaru policy tungod sa hinay nga pagtubo sa ekonomiya nga dili na kaayo agresibo sa pagpahugot sa polisiya sa kwarta (monetary policy), matod ni BSP Governor Eli Remolona Jr.
Ang pagtubo sa ekonomiya sa nasod mihinay ngadto sa 2.3 porsyento sa ikaduhang kwarter sa 2026 gikan sa 2.8 porsyento sa unang kwarter. Ang pagtubo sa miaging kwarter makapahigawad, tungod kay ang maong pagtubo ubos sa potensyal niini.
Mipataas ang Monetary Board sa BSP sa mga *policy rate* og laing 25 ka *basis points* atol sa katapusan niadtong Hunyo, tungod sa padayon nga presyur sa implasyon taliwala sa taas nga presyo sa lana sa kalibotan.
Ang Monetary Board gikatakdang magtigom karong Agosto 27. Apan, ang mas hinay nga pagtubo sa ekonomiya mahimong makapamenos sa panginahanglan sa BSP nga dugang pataason ang mga *policy rate*.
Sa pagkakaron, ang implasyon mihinay ngadto sa 6.2 porsyento niadtong Hulyo gikan sa 6.4 porsyento niadtong Hunyo. Namatikdan ni Remolona nga samtang ang implasyon nagpabilin nga labaw sa target sa gobyerno, ang mga gilauman bahin sa implasyon nagpabilin nga lig-on ug kontrolado.
Matod niya nga base sa 24 ka mga analista nga gisurbi sa BSP, ang implasyon gilaumang anaa sa mga 5.4 porsyento sa sunod nga 12 ka bulan, 4 porsyento sa sunod nga 24 ka bulan, ug dugang nga mohinay ngadto sa 3 porsyento paglabay sa tulo ka tuig.
Photo Courtesy: BSP
