Balik-aksyon na sa Court, ang Ateneo de Manila University Blue Eagles human sa halos duha ka buwang pahulay, kasunod sa makasusubo nga trahedya sa Aurora nga mikalas sa kinabuhi sa duha ka magdudula nga sila Rene “Bobet” Baterbonia ug Divine Adili.
Misulod pag-usab sa kompetisyon ang Blue Eagles pinaagi sa ilang pag-atubang sa Phoenix sa Our Lady of Fatima University (OLFU) sa Pinoyliga Collegiate Cup: The Big Dance.
Apil usab sa maong torneyo ang ubang collegiate teams sama sa De La Salle-College of Saint Benilde, University of Santo Tomas ug Mapúa University.
Gipangulohan karon sa bag-ong head coach nga si Louie Alas ang Ateneo Blue Eagles human sa pagbiya sa kanhi head coach nga si Tab Baldwin sa iyang posisyon kasunod sa trahedya atol sa team-building activity sa koponan sa Aurora.
Samtang, nag-andam usab ang Blue Eagles alang sa mas dako nilang hagit tungod kay gikatakdang mosabak ang Ateneo sa UAAP Season 89 nga magsugod sa umaabot nga Septyembre.
