Nakahimo og kaugalingong windmill ang 14-anyos kaniadto nga si William Kamkwamba gikan sa Malawi, bisan napugos siyang mohunong sa pag-eskwela niadtong 2001 tungod sa kagutom ug kakulang sa kuwarta sa iyang pamilya.
Bisan wala sa eskwelahan, nagpadayon si William sa pagkat-on pinaagi sa mga libro sa gamay nga library sa ilang baryo.Didto niya nakit-an ang usa ka libro bahin sa windmill ug gigamit ang mga hulagway niini isip giya sa paghimo gamit ang scrap materials, piyesa sa bisikleta ug kahoy.
Pinaagi sa iyang nahimo, nakahatag siya og kuryente sa ilang balay ug nakatabang usab sa tubig ug irigasyon.
Bisan kaniadto gikataw-an tungod sa iyang ideya, nakaeskwela sa ulahi si William sa Dartmouth College, nga nagpamatuod nga ang determinasyon ug padayon nga pagkat-on mahimong dalan ngadto sa mas maayong kaugmaon.
Photo Courtesy: BBC
