Namatay sa edad nga 25 years old ang Miss Earth Indonesia 2025 nga si Putri Andriani Juficha. Gipahibalo sa Miss Grand Indonesia organization ug pipila ka international pageant pages ang iyang kamatayon niadtong Agosto 14, nga adlaw usab unta sa iyang ika-26 nga birthday.
Nailhan si Putri dili lamang sa pageant industry, kondili usab sa iyang environmental advocacy, ilabina sa waste recycling, pagpanalipod sa mga suba batok sa polusyon ug pag-amuma sa kinaiyahan.
Graduate usab siya sa Communications ug nagpadayon unta sa iyang Master’s degree in Law. Wala pa gipahibalo ang hinungdan sa iyang kamatayon, samtang nagpadayon ang pag-abot sa mga mensahe sa pakikiramay gikan sa pageant community ug iyang mga supporters.
Photo Courtesy: Pageant Bulletin
