Maghatag ang Iran og $30,000 nga pabuya alang sa bisan kinsa nga makadakop ug makatugyan, o makapatay, sa mga ka sundalong Amerikano. Mas taas pa nga ganti alang sa mga babayeng makahimo sa maong aksyon, diin doble o $60,000 ang gisaad nga reward.
Kini ang gipahibalo ni Iranian Army Chief Amir Hatami human matod pa makadawat ang militar og daghang hangyo gikan sa mga Iranian nga gustong mosalmot sa maong programa.
Samtang wala pa maghatag si Hatami og espesipikong detalye kung asa o kanus-a mahimong ipatuman ang maong pagdakop o pag-atake. Ang maong pahayag nahitabo taliwala sa nagpadayong tensiyon tali sa Iran ug Estados Unidos sa Middle East.
Gihangyo usab ni Hatami ang Estados Unidos nga mobiya sa rehiyon ug gipasiugda niini nga wala na kiniy pagtugot sa pag-operate sa Persian Gulf, Gulf of Oman, ug Strait of Hormuz.
Photo Courtesy: The Times of Israel
