Nailhan ang Lake Hillier sa Western Australia tungod sa talagsaong pink nga kolor sa tubig niini, nga makita duol sa asul nga kadagatan. Sumala sa mga siyentista, natural ang maong kolor ug naggikan sa mga gagmay nga organismo nga nagpuyo sa parat nga tubig.
Lakip niini ang algae, bacteria ug archaea nga adunay mga pigment nga maoy naghatag sa pink nga kolor nga tubig.
Mahimo usab nga mausab-usab ang kapink sa tubig depende sa kahimtang sa palibot. Ang Lake Hillier nagpakita sa talagsaong paagi kung giunsa sa gagmay nga organismo pag-usab sa kolor ug hitsura sa usa ka natural nga katubigan.
Photo Courtesy: Great Big story
