Gitakda sa Bureau of Internal Revenue o BIR sa Agosto 18 ang bag-ong deadline sa pipila ka tax filing ug payment requirements sa mga lugar nga naapektuhan sa Habagat.
Ang lakang nagtumong sa paghatag og dugang panahon sa mga taxpayer nga nalisdan sa pagtuman sa ilang obligasyon tungod sa epekto sa padayon nga pag-ulan.
Sakop niini ang Metro Manila ug pipila ka probinsya sa Luzon, lakip usab ang mga naapektuhan sa technical problem sa eBIRForms Offline Package. Ang mga sakop sa extension mahimong maka-file ug makabayad hangtod Agosto 18 nga walay penalty.
Giawhag sa BIR ang mga taxpayer nga dili na hulaton ang katapusang adlaw aron makompleto ang ilang obligasyon.
Photo Courtesy: PNA
