Gipakusgan ni President Ferdinand Marcos Jr. ang disaster response ug mga lakang batok sa pagbaha, dungan sa pagpadayon sa ubang prayoridad sa iyang administrasyon.
Gimando ni Marcos ang mga ahensya sa gobyerno nga masiguro ang paghatod sa tabang ngadto sa mga naapektuhan sa Habagat ug mga bagyong Luis ug Maymay. Personal usab niyang gisusi ang drainage pump sa Las Piñas, evacuation center, Diokno Pumping Station sa Pasay ug Baclaran River sa Parañaque.
Samtang, gitutokan usab sa Presidente ang sektor sa panglawas, national security ug pagpangandam sa 2027 national budget. Gipasiugda sa administrasyon nga padayon ang paghatag og serbisyo samtang gipalig-on ang pagpangandam ug pagpanalipod sa mga komunidad.
Photo Courtesy:PNA
