Gi-postpone ang concert ni Moira Dela Torre nga “MOIRA: Where It All Started” nga gikatakdang ipahigayon unta karong Oktubre 4 sa SM Mall of Asia Arena. Sumala sa organizer, dili kini madayon sa maong petsa ug gibalhin ngadto sa sunod tuig.
Sa gipagawas nga pahayag, nangayo og pasaylo ang organizer sa mga fans tungod sa postponement. Wala usab sila maghatag og espesipikong rason kung nganong gibalhin ang maong concert.
Samtang, mikaylap sa social media ang mga komento nga posibleng hinay kuno ang pagbaligya sa tickets maoy hinungdan sa postponement. Apan wala kini opisyal nga gikumpirma sa organizer, busa nagpabilin kini nga espekulasyon lamang.
Alang sa mga nakapalit na og ticket apan dili na gustong maghulat sa bag-ong schedule, mahimong mangayo og refund pinaagi sa Ticketmaster, sumala sa anunsyo sa organizer.
Sa pagkakaron, gihulat pa sa mga fans ang opisyal nga pahibalo sa bag-ong petsa sa concert.
Photo courtesy: Mega Magazine
