Dakpan sa kapulisan ang usa ka 54-anyos nga lalaki nga gipangita tungod sa pag pangawat og baka atol sa hiniusang operasyon sa kapulisan sa Tagoloan, Misamis Oriental, niadtong Setyembre 29, 2026.
Mga alas-8:30 sa buntag, ang Tracker Team sa Sapad Municipal Police Station (MPS), Lanao del Norte Police Provincial Office, kauban ang mga intelligence operative sa Tagoloan MPS, nagpahigayon og operasyon sa Zone 6B TTI, Barangay Baluarte, Tagoloan, Misamis Oriental.
Misangpot ang operasyon sa pagdakop kang alyas “Myok,” 54-anyos, minyo, ug kasamtangang nagpuyo sa Zone 6B, Barangay Sugbongcogon, sa naasoyng lungsod.
Ang suspek nadakpan pinasikad sa Warrant of Arrest alang sa kasong pag pangawat og baka. Nga gi-isyu sa Regional Trial Court, 12th Judicial Region, Branch 21, Kapatagan, Lanao del Norte, niadtong Enero 29, 2010, nga adunay girekomendar nga piyansa balor ₱36,000.
Sa paghipos ning balita, ang suspek gikustodiya na sa Sapad MPS alang sa booking ug dokumentasyon sa dili pa kini itugyan sa Lanao del Norte District Jail.
Photo courtesy: PRO X
