Giklaro sa Lokal nga Panggamhanan sa San Fernando, Bukidnon ang mikaylap nga viral post bahin sa usa ka pamilya nga giingong wala matabangi human namatay ang ilang anak niadtong Setyembre 2026.
Gipasabot sa LGU nga ang ilang burial ug funeral assistance moabot og ₱20,000 nga ihatag pinaagi sa direktang serbisyo sa punerarya uban sa Department of Social Welfare and Development (DSWD) ug dili pinaagi sa cash.
Base sa rekord sa munisipyo, ang bata nga namatay sa Maramag ug gilubong sa Valencia City rehistrado isip person with disability (PWD) sa lungsod ug nakadawat na og ayuda, samtang ang inahan bag-o lang nasulod sa 4Ps ug makadawat usab ang pamilya og binulan nga tabang ubos sa Walang Gutom Program.
Tungod niini, nanawagan ang LGU sa publiko nga susihon una ang tinuod nga konteksto sa dili pa mo-share og mga impormasyon sa social media, samtang nagpabiling bukas ang ilang buhatan alang sa dugang tabang.
Photo courtesy: Mayor Rogelio Yeke /FB










