Gipangunahan ni Davao City Police Office (DCPO) Director PCOL Peter Bauzon Madria ang pagbisita ug pagmonitor sa Police Station 19 Eden ug Sirawan-Toril Border Control Point aron masuta ang kahimtang sa seguridad sa maong mga lugar.
Atol sa pagbisita, gisusi ang pagtalaga sa mga pulis ug ang ilang operational readiness, lakip ang pagpalig-on sa police visibility aron malikayan ang posibleng insidente ug hulga sa seguridad.
Gipahinumdoman usab ni Madria ang mga personnel nga magpabiling alerto sa pagbantay sa mga utlanan ug komunidad isip kabahin sa paningkamot nga mapreserbar ang kalinaw ug kahapsay sa Davao City.
Photo courtesy: DCPO










