Gisalikway sa North Korea niadtong adlawng Miyerkules, Setyembre 30, ang pasangil sa South Korea nga ang ilang mga mina ang hinungdan sa pagbusikad sulod sa Demilitarized Zone (DMZ) niadtong Setyembre 21 nga nakaangol sa tulo ka mga sundalo sa South Korea. Tungod niini, giakusahan sa North Korea ang South Korea nga namakak sa ilang mga nakaplagan ug nagpasidaan og “immediate and merciless” nga panimalos kon mapabut-han ang ilang mga sundalo.
Sa usa ka pahayag, gipadayag ni Kim Yo-jong, igsoon sa lider sa North Korea nga si Kim Jong-un, nga gigamit lang sa South Korea ang walay basehang resulta isip pasangil sa ilang mga pampulitika ug pangmilitar nga probokasyon. Giinsistir niya nga ang pagtukod sa mga babag sa border nga gisugdan duha ka tuig na ang milabay usa lamang ka ehersisyo sa soberanya ug walay kalabotan sa bisan unsang katuyoang militar, ug gipaniguro nga wala nakatabok sa utlanan ang ilang mga sundalo.
Gipasidan-an usab ni Kim ang militar sa South Korea nga kon magpabuto kini ug dili lang kay warning shots ngadto sa ilang mga sundalo nga naghimo sa permanente nga proyekto sa utlanan, moalokar dayon og bangis nga pag-atake ang ilang mga yunit sa border. Dugang pa niya, ang padayon nga malisyosong pagpasangil ug probokasyon sa rehiyon mahimong mosangpot sa usa ka sitwasyon nga wala pa masinati kaniadto.
Photo courtesy: www.asiae.co.kr
