Nadakpan ang usa ka lalaki kinsa giingong maoy responsable sa sunod-sunod nga pagkahanaw sa mga metrohan sa tubig sa nagka-daiyang barangay sa Dakbayan sa Talisay human kining nadakpan bag-ohay lang.
Giila ang dinakpan nga si alias Gerry, hamtong ang panuigon kinsa giingong nakakawat sa mga anaa sa 30 ka mga metrohan sa bulan sa Setyembre lamang.
Sumala sa kapulisan sa Dakbayan sa Talisay nga nagmugna sila og Task Force aron lang madakpan ang suspek sanglit nakahatag na og kaalarma sa lugar ang sunod-sunod nga pagpangawat sa metrohan sa mga tubig.
Dihang subli na usab nangawat og laing metrohan sa tubig ang suspek daling gisubay s akapulisan og gisusi ang mga CCTV footage sa lugar nga nagresulta sa pagkasikop sa suspetsado.
Nakuhaan usab sumala pa og pakete sa gidudahang shabu ang suspetsado hinungdan nga patongpatong nga mga kaso karon ang giatubang sa nahisgotang akusado.
