I-reactive sa Commission on Elections (COMELEC) Pagadian ang Task Force Kontra Vote Buying atol sa mga adlaw sa Barangay ug Sangguniang Kabataan Elections aron mapugngan ang pagpalit ug pagbaligya sa boto.
Matud ni Election Officer IV Atty. Jed Labador kauban nila sa pagpatuman niini ang mga kapulisan ug uban pang mga ahensya aron hugot nga mamonitor ug marespondehan ang mga reklamo kalabot sa vote buying, ilabi na sa mga lugar nga adunay daghang botante.
Segun ni Atty Labador dili lang Comelec ang mututok niini, naa usab ang ubang mga stakeholders partners aron malikayan ang bisan unsang mga kagulyang kalabot sa vote buying atol sa eleksyon.
Samtang, gipahinumdoman usab niya ang publiko nga ang vote buying ug vote selling usa ka election offense ug mahimong mosangpot sa legal nga mga silot batok sa mga nalambigit.
Giawhag usab ni Atty. Labador ang mga botante nga dili modawat og kwarta o bisan unsang butang kapalit sa ilang boto, ug i-report dayon ang mga insidente sa mga otoridad.
