Moretiro na si Russell Westbrook sa pagdula sa NBA, mao kini ang iyang gipahibalo. Sa iyang social media account, nag-post siya og video diin gibasa sa aktor nga si Michael B. Jordan ang pipila ka mga mensahe gikan sa 37-anyos nga si Westbrook.
Si Westbrook nagdula sa NBA sulod sa 18 ka season sa NBA diin siya kauban sa pito ka team. Pagkahuman sa duha ka tuig sa iyang karera sa kolehiyo sa University of California, Los Angeles, napili siya isip numero 14 sa 2008 NBA draft sa Seattle SuperSonics apan wala nakaduwa.
Nagdula siya sulod sa 11 ka season uban sa Oklahoma City Thunder, ang bag-ong ngalan sa SuperSonics, diin nakig-uban siya nila ni Kevin Durant ug James Harden. Nanguna sila sa titulo sa Western Conference niadtong 2012 apan napildi sa Miami Heat sa NBA Finals.
Sa Game 4 sa Finals, nakapuntos siya og 43 puntos, nga nanguna sa team sa pag-iskor, assists, rebounds ug steals sa edad nga 23. Naangol ang iyang meniscus sa unang round sa 2013 playoffs samtang nabali ang tiil ni Durant nga nagtapos sa kapildihan sa OKC sa game 7 batok sa Golden State Warriors. Wala siya gibuhian sa OKC, diin kauban niya sila si Paul George ug Carmelo Anthony.
Sa 2016-17 season, siya ang unang magduduwa sukad ni Oscar Robertson niadtong 1962 nga nag-average og 31.6 puntos, 10.7 rebounds ug 10.4 assists nga nakadaog sa Most Valuable Player award, samtang nakarekord og 42 ka triple-double sa maong season.
Si Westbrook, usa ka siyam ka beses nga All Star, adunay career averages nga 20.9 puntos, 6.9 rebounds ug 8.0 assists kada duwa. Siya ang naghupot sa pinakadaghang career triple-doubles nga 209, nga milabaw sa rekord ni Robertson.
Gawas sa OKC, si Westbrook nakaduwa usab alang sa mga team sama sa Houston Rockets, Washington Wizards, Los Angeles Lakers, LA Clippers, Denver Nuggets ug Sacramento Kings. Sa iyang katapusang season, nakaduwa siya og 58 ka duwa uban sa Kings, diin siya nag-average og 15.2 puntos, 6.7 assists ug 5.4 rebounds.
Miretiro siya sa ikalima sa kasaysayan sa NBA sa career assists, sunod nila ni John Stockton, Chris Paul, Jason Kidd ug LeBron James. Siya ang ika-14 sa NBA career scoring list nga adunay 27,176 puntos ug mao lamang ang aktibo nga magduduwa sunod nila ni Durant, James ug Harden.
Photo courtesy: NBA.com
