Nagpasidaan ang Commission on Elections (COMELEC) nga posibleng masayang ang P8 billion nga nagasto na alang sa pagpangandam sa Barangay ug Sangguniang Kabataan Elections. Sumala ni Comelec Chairperson George Garcia, anaa sa P19 bilyon ang kinatibuk-ang budget alang sa BSKE, diin P8 bilyon na ang nahatag para sa mga kagamitan ug uban pang pagpangandam.
Segun ni Garcia, subay sa gikatakdang petsa sa BSKE sa Nobyembre 2, 2026 gi-andam na usab sa COMELEC ang mga polling precincts. Apan kung ma-postpone ang eleksyon, mahimong masayang ang pipila ka gasto sama sa ballpen, indelible ink, overtime sa mga personnel ug uban pang election preparations.
Giingon usab ni Garcia nga ang Kongreso ang adunay katungod sa paghukom kung i-postpone ba o ipadayon ang eleksyon, tungod kay usa kini ka political issue.
Una nang gibasa sa kongreso ang pagpasar sa gipasa nga housebill kalabot na sa postponement sa Barangay ug Sangguniang Kabataan Elections (BSKE).
Photo Courtesy: PNA
