Mga Kajiander, kung makakita mo og tuna nga giamag, ayaw dayon paghunahuna nga nakit-an ninyo ang nawagtang nga iro sa kusina
Kay sa Japan, adunay delicacy nga gitawag og mold-aged tuna—bluefin tuna nga tinuyoang paamagan sulod sa upat hangtod walo ka semana. Oo, sakto inyong nabasa—paamagan.
Gitago ang tuna sa kontroladong temperatura ug humidity aron motubo ang Koji mold, nga makatabang sa pagbungkag sa proteins ug fats sa isda. Ang resulta kuno? Mas humok, mas flavorful ug mas umami ang taste.
Pero ayaw kabalaka sa amag kay dili apil ang balhiboon nga parte sa plato, himay-himayon una sa chef, kuhaon ang amag, ug ang nahibilin mao ang aged tuna nga mahimong i-serve isip sashimi o sushi.
Pero para sa Pinoy, murag lisod ni i-explain sa inahan:
“Ma, ayaw ilabay ang tuna kay mahal ni!”
“Anak, nganong gi-amagan man nimo?!”
“Special recipe, Ma!”
“Special recipe? Murag special case sa barangay!”
Mao nga sa Japan, ang pangutana: “Unsa ka dugay gi-age ang tuna?”
Sa Pinoy: Pila ka adlaw na ni sa ref, dong?
Photo courtesy: x.com
