Naglaum si Pokwang o Marietta Subong nga makadaog og Best Actress sa Cinemalaya 2026 pinaagi sa iyang pagganap sa pelikulang 2 Valid IDs.
Sa maong pelikula, gidalit ni Pokwang ang papel sa usa ka kabus nga mag-uuma nga walay bisan usa ka valid ID. Matod niya, nakatabang ang iyang kaugalingong mga kasinatian sa kinabuhi aron mas mapukaw ang emosyon sa iyang pag-arte.
Bisan pa sa iyang paglaom sa award, giingon ni Pokwang nga andam siyang modawat sa bisan unsang resulta ug nagtuo nga angay usab nga modaug ang bisan kinsa sa iyang mga kaatbang tungod sa ilang maayo nga performances.
Ang 2 Valid IDs usa sa mga kalahok sa Cinemalaya 2026, samtang ang awarding ceremony ipahigayon sa Agosto 17.
Photo Courtesy:GMA Network
