Nadamyos ang unom ka mga sakyanan human gidaro sa usa ka wing van sa Upper Pulacan, Labangan, Zamboanga del Sur, kagahapon, Agosto 5, 2026. Sa kasayuran nga nakuha sa Juander Radyo News Team, ang maong wing van naggikan sa ibabaw nga bahin apan gituohang na lost brake hinungdan sa pagdaro niini sa pipila ka nga sakyanan.
Lakip sa nadaro sa maong panel truck ang duha ka payong-payong, usa ka bao-bao, usa ka single motor, usa ka minivan ug ang usa ka rural bus nga nagbyahe unta paingon sa syudad sa Ozamis.
Dali nga girespondehan sa mga MDRRMO Labangan ug uban pang responders ang maong panghitabo ug daling gidala ang mga biktima sa pipila ka mga tambalanan sa syudad sa Pagadian.
Samtang usa ang gikumpirma nga dead on arrival sa hospital ug niabot usab sa pito ang lain pang mga na-angol sa maong hitabo.Padayon pa usab ang imbestigasyon sa kapulisan aron masuta ang tinuod nga hinungdan sa maong panghitabo.
Samtang gikustudiya na sa Labangan Municipal Police Station ang driver sa panel truck aron papanubagon sa iyang salaod.
