Natingala si Merfat E. Mohammad, nga gipanganak nga usa ka babaye sa Cotabato, human nadiskobrehan sa ulahi nga ang iyang kondisyon sa lawas nagpakita nga lalaki siya base sa medical examinations.
Wala makasinati og menstruation si Merfat sa panahon sa iyang pagkadalaga, samtang wala usab mitubo ang iyang dughan ug mipakita hinuon ang mga kausaban sama sa paglalom sa tingog, pagtubo sa bungot ug buhok sa dughan.
Sa iyang medical examination, nadiskobrehan nga wala siyay matres ug obaryo, samtang ang chromosomal analysis o karyotyping nagpamatuod nga 46, XY ang iyang chromosomes.
Human sa iyang nadiskobrehan, giusab niya ang iyang ngalan gikan kang Merfat E. Mohammad ngadto kang Maher Ibrahim Borhan ug hinay-hinay nga gidawat ang iyang pagkatawo isip lalaki, bisan pa nga gipadako siya isip babaye sukad pagkabata.
Photo Courtesy: KMJS
