Mikabat na sa 60,000 ka tawo ang gipabakwit human sa mga wildfire nga miulbo sa Washington state. Giingon ni Spokane Mayor Lisa Brown nga kini ang “pinakagrabe nga natural disaster” nga niigo sa ilang lugar.
Naguba ang mokabat sa 700 ka building, ug sobra 10,000 ka konsumante ang nawad-an og kuryente. Wala pay nakumpirma nga namatay o nasamdan sa maong insidente.
Nagdeklarar og statewide emergency si Governor Bob Ferguson ug nihangyo og federal assistance. Kapin 900 ka bombero ang naningkamot mapalong ang sunog.
Photo Courtesy: Reuters
