Nakit-an ang usa ka nadunot nga patayng lawas sa tunga sa sapa sulod sa usa ka pinyahan sa Sitio Buntungon, Barangay Poblacion, Libona niadtong nakalabay nga adlaw.
Subay sa report sa kapolisan, duha ka trabahante sa pinyahan ang nakadiskubre sa maong patyang lawas. Sa parehong adlaw, giila sa usa ka 46-anyos nga magulang ang biktima nga mao ang iyang 30-anyos nga manghod nga babaye pinaagi sa mga tattoo sa lawas niini, sama sa mga markang “Quijada”, “Alpha Kappa Rho”, ug mga bulak.
Base sa pagsusi sa SOCO team ug Libona Municipal Police Station, walay nakit-ang mga samad o timailhan sa foul play sa lawas sa biktima, ug wala usab silay nadawat nga report sa namissing sa mga nakalabayng adlaw sa maong dapit.
Sa pagkakaron, padayon pang gipalawman sa kapolisan ilang gihimong imbestigasyon samtang gihulat ang resulta sa autopsy aron masuta ang matuod nga hinungdan sa kamatayon sa biktima.
Photo Courtesy: Libona Municipal Police Station
