Hapit na matapos sa Pilipinas ug Canada ang ilang negosasyon alang sa Free Trade Agreement (FTA) sulod sa karong tuiga human nakab-ot ang dakong kalambuan sa miaging mga tigum.
Sumala ni Trade Undersecretary Allan Gepty sa gipahigayon nga forum sa Intellectual Property Office of the Philippines, nakatala og positibong progreso ang ikatulo nga round sa FTA talks nga gipahigayon sa Canada sa miaging bulan, diin gihunahunaan ang pag-abli sa merkado para sa mga baligya. Nakatalaan usab ang ika-upat nga round sa negosasyon nga ipahigayon sa Canada sa sunod bulan diin gilauman nga ma-estabilisar na ang pormal nga teksto sa kasabutan.
Kung magmalampuson, kini ang mahimong kauna-unahang libreng patigayon nga kasabutan sa Pilipinas sa amihanang Amerika (North America).
Sa miaging tuig 2025, miabot sa $2.15 bilyon ang kinatibuk-ang patigayon sa duha ka nasud, diin $1.31 bilyon niini ang eksport sa Pilipinas ngadto sa Canada.
Nagpadayon ang gobyerno sa Pilipinas sa pagpatuman og dugang nga mga FTA aron mapalapdan ang merkado sa mga lokal nga negosyo, diin bag-o lang usab nitapos ang negosasyon sa Chile ug gipaspasan pa ang pagsara sa FTA tali sa European Union sulod sa karong tuiga
Photo Courtesy: ASEAN Briefing
