Nabaligya sa usa ka subasta sa kantidad nga dul-an US$2 milyon o kapin ₱117 milyon ang usa ka 18-carat Tiffany & Co. gold pocket watch nga gipanag-iyahan ni Arthur Rostron—ang kapitan sa RMS Carpathia nga nakaluwas sa kapin 700 ka survivors sa nalunod nga Titanic. Pinaagi sa maong presyo, ang maong relo naitala karon nga labing mahal nga Titanic memorabilia nga nabaligya sa kasaysayan sa auction.
Ang maong pocket watch gipahinungod ug giregalo kang Rostron ni Madeleine Astor kauban ang duha pa ka mga babayeng naluwas sa trahedya niadtong 1912 isip pagpasalamat sa iyang kaisog ug paspas nga pagresponde sa distress call. Bisan pa sa peligro sa mga iceberg, gipadasig ni Rostron ang iyang barko paingon sa dapit diin nalunod ang Titanic aron sagopon ang mga pasahero nga naglutaw-lutaw sa katugnaw.
Sumala sa Henry Aldridge and Son auction house, ang maong rekord sa presyo nagpakita ngapabilin gihapong taas ang interes ug paghatag og bili sa publiko sa mga gamit nga naghupot og dakong historikal ug simbolikong kahulogan gikan sa maong bantog nga trahedya
Photo Courtesy: Hansons Auctioneers
